Կանոններ և դրույթներ

Առաջարկում ենք ուշադիր ընթերցել lumi.am (այսուհետ նաև՝ «LUMI» կամ Կայք) կայքից առցանց գնման ներքոնշյալ պայմանները և կարգը, կայքից օգտվելու և առցանց գնման ընդհանուր պայմանները : lumi.am կայքով ապրանք ձեռք բերելիս, Դուք կնքում եք փոխադարձ պարտավորություններ առաջացնող գնման գործարք (պատվեր):

Գրանցվելով lumi.am կայքում, որպես հաշվի օգտատեր կամ պարզապես օգտվելով Կայքի կողմից առաջարկվող ապրանքներից և ծառայություններից, Դուք հաստատում եք, որ կարդացել եք օգտատիրոջ համաձայնագիրը (այսուհետ նաև՝ Համաձայնագիր) և ընդունում եք դրանում առկա բոլոր պայմանները և կարգավորումները: Ցանկալի է չօգտվել Կայքի կողմից առաջարկվող ծառայություններից և ապրանքներից, եթե Ձեզ համար ընդունելի չեն Համաձայնագրի պայմանները և առցանց վաճառքի կարգը:

Սույն Համաձայնագրի շրջանակում անձնական տվյալ համարվում է ֆիզիկական անձին վերաբերող ցանկացած տեղեկություն, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել անձի ինքնությունը: Ընկերությունն օգտագործում է Օգտատիրոջ անձնական տվյալները բացառապես այն դեպքում և նպատակով, երբ Օգտատերն օգտվում է Կայքից և ծառայություններից:

Օգտատիրոջ անձնական տվյալներն օգտագործվում են բացառապես ծառայություններ մատուցելու և դրանք ավելի հարմարավետ դարձնելու նպատակով, Օգտատիրոջ հաշվի և մատուցվող ծառայությունների վերաբերյալ կապ հաստատելու համար, օգտատիրոջ այլ ծառայություններ առաջարկելու և մատուցելու նպատակով, ինչպես նաև առցանց գնումների ժամանակ խարդախության կամ անօրինական գործունեության հայտնաբերման, կանխարգելման, նվազեցման և հետաքննության համար: Համաձայնագրի Ընդհանուր Պայմանների ընդունմամբ Օգտատերը տալիս է համաձայնություն իր անձնական տվյալները բացառապես Կայքի գործունեության շրջանակներում օգտագործման համար:

Ընկերությունը պատասխանատվություն չի կրում այնպիսի հետևանքների համար, որոնք կարող են առաջանալ սխալ, թերի կամ կեղծ լրացված տեղեկություններից կամ Օգտատիրոջ պատվերում իր կողմից կատարված տվյալների փոփոխության հետևանքով:

Առցանց վճարումների դեպքում Օգտատիրոջից պահանջվում է մուտքագրել վճարման եղանակի և բանկային հաշվի տվյալների մանրամասները: Ընկերությունը մանրամասն տեղեկություններ չի ստանում (օրինակ՝ վճարային քարտի համարը, տվյալները) գործարքներից, բայց փոխարենը ստանում է տեղեկություն, թե արդյոք վճարումը կատարվել է հաջողությամբ, թե ոչ:

Պատվերը տեղադրելով, Օգտատերը համաձայնում է, որ իր կոնտակտային տվյալները և վճարմանն առնչվող տեղեկատվությունը կարող է օգտագործվել վճարման գործընթացում և Պատվերի կատարման համար:

Ընկերության գործունեությունը պետք է համապատասխանի «Անձնական տվյալների պաշտպանության մասին» ՀՀ օրենքի դրույթներին և պետք է ձեռնարկվի բոլոր հնարավոր միջոցառումները՝ պաշտպանելու Օգտատերերի անձնական տվյալների գաղտնիությունը և անվտանգությունը:

Ընկերությունը Օգտատիրոջ անձնական տվյալները կբացահայտի երրորդ անձանց միայն այն չափով, որքանով անհրաժեշտ է վճարման գործընթացի իրականացման համար, կիրառելու և կատարելու գնման պատվերը, համապատասխանեցնելու իրավական և վարչական պարտավորություններին, հայտնաբերելու, կանխելու, նվազեցնելու և ուսումնասիրելու խարդախ կամ ոչ իրավական գործողությունները, որոնք առնչվում են առցանց առևտրին:

Քանի դեռ ապացուցված չէ, որ Ընկերությունը հնարավոր խախտումները կատարել է միտումնավոր և դիտավորյալ կամ ակնհայտ անփութության հետևանքով, վնասների համար հայցերը կամ ժամկետանց առաքման հիմքով Գնման Պատվերի չեղարկումը բացառված է: Այնուամենայնիվ, Ընկերության պատասխանատվության ամբողջ ծավալը ցանկացած դեպքում չի կարող լինել ավելին, քան գնման Պատվերով ապրանք(ներ)ի գինն է: Ընկերության համար որևէ այլ պարտավորություն չի կարող սահմանվել:

Համաձայնագրի շրջանակում ծագած վեճերը լուծվում են բանակցությունների շնորհիվ, իսկ հաշտության չգալու դեպքում վեճերը ՀՀ օրենսդրությամբ սահմանված կարգով ենթակա են քննության և լուծման ՀՀ դատարանների կողմից:

Վեճերը ենթակա են լուծում ՀՀ օրենսդրությամբ սահմանված կարգով՝ անկախ վիճելի իրավահարաբերության սուբյեկտների քաղաքացիությունից և/կամ ռեզիդենտությունից:

«LUMI»-ի անունից Օգտատիրոջ հետ կարող է կապ հաստատվել հեռախոսազանգերի, Կայքի առցանց հաղորդագրությունների հարթակի կամ էլեկտրոնային նամակների միջոցով:

Ընկերությունը կարող է Գնորդի հետ կնքված գնման Պատվերով նախատեսված իր իրավունքները և պարտավորություններն ամբողջությամբ կամ մասնակի հանձնարարել, փոխանցել կամ ցանկացած այլ կերպ տնօրինել՝ առանց օգտատերերին այդ մասին նախապես գրավոր տեղեկացնելու և ծանուցելու: Օգտատերերը իրավունք չունեն հանձնարարել Պատվերը որևէ այլ անձի կամ սույն իրավահարաբերության շրջանակում փոխանցել որևէ իրավունք և/կամ պարտավորություն:

Եթե Ընդհանուր Պայմանների որևէ մաս կամ դրույթ դառնում է անվավեր կամ անարդյունավետ, ապա դա չի ազդում մնացած դրույթների և դրանց վավերականության վրա: Տվյալ դեպքում անվավեր կամ անարդյունավետ դրույթը փոխարինվում է այլ դրույթով, որը հնարավորինս համապատասխանում է փաստաթղթի ընդհանուր տնտեսական և իրավական տրամաբանությանը:

Ցանկացած փոփոխություն տեղադրվում է Կայքում: Այդ պահից Օգտատերերը համարվում են դրա վերաբերյալ պատշաճ իրազեկված:

Ընդհանուր Պայմանները կարգավորված են ՀՀ օրենսդրության համաձայն:

Այլ լեզուներով կանոնների և կայքում գտնվող տեքստերի հետ անհամապատասխանության դեպքում հիմք է ընդունվում հայերեն տարբերակը։

Գաղտնիության քաղաքականություն

lumi.am կայքում տեղեկատվությունը տեղադրվում է «Boffo» ՍՊԸ կողմից: Մենք ձգտում ենք ապահովել կայքում հնարավորինս ճշգրիտ և թարմ տեղեկատվության տեղադրումը: Տեղադրված տեղեկատվության հանդեպ վստահությունը հիմնված է բացառապես Ձեր սեփական ռիսկի հիման վրա:

«Boffo» ՍՊԸ պատասխանատվություն չի կրում որևէ կորստի կամ վնասի համար, որի առաջացման պատճառն ինչ-որ կերպ առնչություն ունի կայքի բովանդակության հետ: «Արտ Քոլոր» ՍՊԸ բանավոր, ենթադրյալ կամ օրենքով սահմանված կարգով կամ որևէ այլ եղանակով իր կողմից երաշխիք չի տրամադրում վաճառվող ապրանքների/ծրագրերի կամ մատուցվող ծառայությունների համար:

Կայքը կարող է հղումներ պարունակել այլ կայքերին, որոնք նշված են բացառապես մեր այցելուների և օգտատերերի հարմարավետության համար: Նման կապակցված կայքերը «Boffo» ՍՊԸ վերահսկողության տակ չեն և դրանց համար ընկերությունը պատասխանատվություն չի կրում, ինչպես նաև չի երաշխավորում հղում տրված կայքերի բովանդակությունը, այդ թվում՝ պարունակվող ցանկացած տեղեկատվությունը և/կամ նյութերը: Դուք սեփական որոշում պետք է կայացնեք lumi.am կայքում հղում տրված կայքերից օգտվելու վերաբերյալ:

«Boffo» ՍՊԸ պահպանում է իր իրավունքը՝ ցանկացած պահի վերանայելու մեր իրավական փաստաթղթերը կամ վաճառքի իրականացման և ծառայությունների մատուցման ընդհանուր պայմանները: Փոփոխությունների մասին ծանուցումը հրապարակայնորեն կտեղադրվի մեր կայքում, և Ձեր պարտավորությունը կհանդիսանա պարբերաբար ստուգելու կայքը և օգտատիրոջ հաշիվը, որպեսզի տեղեկացված լինեք ցանկացած փոփոխության վերաբերյալ:

lumi.am կայքի ցանկացած մասում ցուցադրված բոլոր գրանցված ապրանքային նշանները իրենց հեղինակային իրավունքի սեփականատերերի սեփականությունն են, բացառությամբ մեր հեղինակային սեփականությունը հանդիսացող գրանցված ապրանքային նշանների:

Եթե պատճառներ կան ենթադրելու, որ մտավոր սեփականության կամ հեղինակային իրավունքի խախտում է տեղի ունեցել մեր կայքում, խնդրում ենք կապ հաստատել մեզ հետ:

Բոլոր ջանքերը գործադրվում են կայքի սահուն աշխատանքն ապահովելու նպատակով: Այնուամենայնիվ, «Boffo» ՍՊԸ պատասխանատվություն չի կրում մեր վերահսկողությունից դուրս տեխնիկական պատճառներով կայքի ժամանակավորապես անհասանելիության համար:

Տվյալների պաշտպանությունը.

Ընկերության գործունեությունը պետք է համապատասխանի «Անձնական տվյալների պաշտպանության մասին» ՀՀ օրենքի դրույթներին և պետք է ձեռնարկվի բոլոր հնարավոր միջոցառումները՝ պաշտպանելու Օգտատերերի անձնական տվյալների գաղտնիությունը և անվտանգությունը:
Ընկերությունը Օգտատիրոջ անձնական տվյալները կբացահայտի երրորդ անձանց միայն այն չափով, որքանով անհրաժեշտ է վճարման գործընթացի իրականացման համար, կիրառելու և կատարելու գնման պատվերը, համապատասխանեցնելու իրավական և վարչական պարտավորություններին, հայտնաբերելու, կանխելու, նվազեցնելու և ուսումնասիրելու խարդախ կամ ոչ իրավական գործողությունները, որոնք առնչվում են առցանց առևտրին:
Ընկերությունը մարքեթինգի և/կամ գովազդային նպատակների համար չի բացահայտի Օգտատերերի անձնական տվյալները որևէ երրորդ անձի, առանց Օգտատիրոջ հստակ գրավոր համաձայնության: